Suður-Afríka og Lesótó

Brottför frá Keflavík með Icelandair seinni part dags kl. 15:25 og millilent í Istanbúl kl. 23:55. Flugið er um 5 ½ tími. Seinni flugleggurinn er með Turkish Airlines til Suður-Afríku kl. 02:05. Flugtími um 10 klst. Vélin lendir í Jóhannesarborg og þar er stutt stopp áður en haldið er áfram með sömu vél til lokaáfangastaðarins sem er King Shaka flugvöllurinn í Durban þar sem lent er kl. 13:30 þann 4. febrúar.

Lent í Durban kl. 13:30. Verðum sótt og farið á hótel í Umhlanga hverfinu í Durban þar sem gist verður í fyrstu nóttina.

Umhlanga Rocks er lífleg strandbær með fjöruga þorpsstemningu, fullur af verslunum og veitingastöðum, aðeins nokkrum metrum frá Promenade sem er vinsæll  5 km göngustígur sem liggur meðfram röð af glæsilegum hótelum, sjávarveitingastöðum og auðvitað hinum fræga vita og bryggjunni. Göngustígurinn er í miklu uppáhaldi hjá öllum sem vilja dást að fallegri ströndinni. Promenade-stígurinn frábær staður til að njóta Indlandshafsins.

Við tökum deginum rólega og búum okkur undir ævintýri næstu daga. Um kvöldið borðum við saman og fögnum komu okkar til landsins.

Fyrstu nóttina er gist á Protea Hotel by Marriott Durban Umhlanga

https://www.marriott.com/en-us/hotels/durum-protea-hotel-durban-umhlanga/overview/?scid=f2ae0541-1279-4f24-b197-a979c79310b0

Við leggjum af stað snemma morguns þann 5. apríl og ökum í áttina að Zulu-landi. Á leiðinni í Hluhluwe þjóðgarðinn stoppum við við St. Lucia vatnið sem er hluti af heimsminjasvæðinu Isimangaliso og stærsta ósavistkerfi Afríku. Þar förum við í 1½ klukkustundar siglingu um vatnið og leitum uppi flóðhesta og krókódíla í sínu náttúrulega umhverfi. Auk þess er fuglalífið við vatnið einstaklega fjölbreytt.

Eftir siglinguna keyrum við á hótel Anew Hluhluwe þar sem gist verður næstu þrjár næturnar (fullt fæði).

Dagana 6. og 7. febrúar gerum við út í skipulagða dýraskoðunarferðir (game drive) í þjóðgarðinum. Þetta er um 3ja tíma ferðir og eru leiddar af reyndum leiðsögumönnum sem þekkja svæðið og dýralífið vel. Annaðhvort verður um morgun eða síðdegisferð í jeppa að ræða en einnig göngutúr þar sem við kynnumst náttúrunni og það sem hún hefur upp á að bjóða þann daginn. Við erum viss um að þetta verði ógleymanleg upplifun fyrir alla.

Þjóðgarðurinn er elsti þjóðgarður Suður-Afríku og þekktur fyrir að hafa bjargað hvíta nashyrningnum frá útrýmingu. Á svæðinu má auk þess hinar fjórar af „Big Five“ tegundunum, ljón, fíla, hlébarða og buffalo, en þjóðgarðurinn er einn af fáum þjóðgörðum í Suður-Afríku þar sem öll fimm „Big Five“  dýrin eru til staðar. Auðvitað sjáum við fjölmargar aðrar dýrategundir eins og gíraffa, sebrahesta, antilópur og fleira.

Einstakt tækifæri til að njóta suðurafrískrar náttúru, fá innsýn í lífríkið og upplifa dýralífið í sínu náttúrulega umhverfi – allt í fylgd fagfólks og í afslöppuðu umhverfi.

Kvöldverður innifalinn þessi þrjú kvöld á hóteli Anew Hluhluwe.

Við komum til Durban eftir upplifunina í þjóðgarðinum og tökum kvöldinu rólega. Gist verður í tvær nætur á sama hóteli og fyrstu nóttina við komu til landsins, Protea Umhlanga hotel. 

Þennan dag sökkvum við okkur djúpt inn í fjölbreytta menningu og sögu Durban-borgar. Ræturnar liggja í einum af sterkustu ættum allra afrískra þjóðflokka, Zúlú. Nýlendumenning og bresk áhrif er áberandi því borgin varð þekkt sem „síðasti breski útibærinn“. Indverskir innflytjendur einkenna einnig fjölþjóðlega samfélagið í Durban.

Við hefjum daginn á heimsókn í KwaMashu, eitt þekktasta „township“ svæðið í Suður-Afríku. Þar fáum við innsýn í daglegt líf íbúa og kynnumst samfélagsandanum sem hefur mótast af lífsbaráttunni og samkennd

Við höldum svo áfram og förum á heimili Mahatma Gandhi, þar sem hann bjó á meðan hann starfaði í Suður-Afríku. Þar mótaðist friðarstefna hans og borgaraleg óhlýðni sem átti eftir að hafa áhrif á heimssöguna. Í Durban er ennþá stærsta indverska samfélagið í einni borg utan Indlands.

Næst liggur leið okkar á Victoria markaðinn, sem er lifandi og litríkur markaður þar sem finna má alls kyns handverk, indversk krydd, fatnað og minjagripi. Þar verður tími til að rölta um, skoða og njóta andrúmsloftsins.

Við kíkjum einnig á einstakan hluta borgarinnar þar sem finna má Zúlú-jurtamarkað, þar sem lækningajurtir og töfralyf eru enn stór hluti af daglegu lífi. Þar kynnist maður lifandi arfleifð og fornum siðum Zúlúmenningar.

Dagurinn endar á ljúffengan hátt með því að smakka ekta "bunny chow", sem er holaður brauðhleifur fylltur með með karrírétti og algengur götubiti í Durban. Þetta er bragðmikil og skemmtileg matarupplifun.

Við kveðjum Durban og leiðin liggur í gegnum grænt og hæðótt sveitalandslagið Natal héraðsins. Við stöldrum við á merkum sögustað þar sem Nelson Mandela var handtekinn, þegar hann var á ferð með lest á milli Durban og Jóhannesarborgar. Atburðarins er minnst með listaverkum á Mandela Capture Site. Við gefum okkur tíma til að skoða það og hið heillandi safn sem þar er að finna.

Við höldum áfram ferðinni inn í gróðursælt og hrífandi landslag Drakensberg-fjallanna og gistum á Premier Resort Sani Pass næstu tvær næturnar. Huggulegt fjallahótel sem býður upp á rólegt andrúmsloft, stórbrotið útsýni og ferskt fjallaloft. Hér njótum við kvöldsins og hvílum okkur fyrir viðburðaríkan dag framundan.  

Í dag förum við í eina af mögnuðustu dagsferðum ferðalagsins – leiðangur upp Sani Pass, eitt ævintýralegasta fjallaskarð Suður-Afríku! Með leiðsögn reyndra ökumanna fikrum við okkur upp fjallvegi í sérútbúnum 4x4 farartækjum. Við förum upp í 2.874 metra hæð yfir sjávarmáli, þar sem andrúmsloftið er tært, útsýnið ótrúlegt og andinn frjáls.

Lesótó er fjalllent landlukt konungsríki sem er algjörlega umkringt Suður-Afríku, með einstaka menningu og landslag sem skapar skýra andstæðu við láglendi nágrannalandsins.

Home - Sani Pass (sanipasstours.com)

Þegar upp er komið stoppum við í hefðbundnu þorpi í Lesótó, þar sem við fáum innsýn í líf og menningu Basotho-fólksins. Einnig gefst kostur á að heimsækja Sani Top Church, sem stendur í yfirnáttúrulegri fegurð.

Ferðin endar með viðeigandi hætti í hádegismat og drykkjum á "The Highest Pub in Africa", þar sem þú getur borðað, skálað og horft yfir stórkostlegt landslag á mörkum himins og jarðar. 

Við tökum daginn snemma og leiðin liggur á flugvöllinn í Durban þar sem við tökum innanlandsflug til Höfðaborgar. (Innifalið í verði ferðar)

Við munum gera stutt stopp við Reichenau trúboðamiðstöðina, þar sem farið verður í leiðsögn um Trappista-kirkjuna og gömlu hveitimylluna, sem gegnir nú hlutverki gistiheimilis. Þessi sögufrægi staður í KwaZulu-Natal geymir ríkulega menningararfleifð og gefur innsýn í líf og starf trúboða á svæðinu.

Komum á King Shaka alþjóðaflugvöllinn um kl. 15:00, þaðan sem við tökum flug til Höfðaborgar um kl. 16:30 (fer eftir flugtíma).

Við gistum á City Lodge V&A Waterfront hotel í Höfðaborg næstu 5 nætur.

Við verðum vel staðsett við Waterfront-svæðið – í göngufæri við verslanir, veitingastaði og líflegt andrúmsloft þar sem alltaf er eitthvað í gangi.

Í dag eigum við spennandi bragðlaukadag í vændum á vínræktarsvæðum Suður-Afríku, umlukin fjöllum og vínekrum. Fyrsta stopp dagsins verður í sögufræga bænum Stellenbosch, þar sem við förum í stutta gönguferð um miðbæinn og skoðum fallega enduruppgerðar byggingar í Cape Dutch-stíl.

Að því loknu keyrum við í um 30 mínútur til þess að heimsækja hinar myndrænu sveitir Franschhoek. Við lítum inn í minningarmiðstöð Húgenotta sem voru franskir mótmælendur sem flúðu trúarofsóknir í Frakklandi og áttu stóran þátt í að móta samfélag og vínmenningu í Suður-Afríku, einkum í Franschhoek.

Við heimsækjum síðan vínekrusvæði, þar sem við lærum um vínframleiðsluferlið. Við fáum að smakka úrval vína og bragða á dýrindis ostum, allt saman í stórbrotnu umhverfi með fjöllin í Franschhoek sem bakgrunn.

Í dag eigum við fallegan bragðlaukadag í vændum á vínræktarsvæðum Suður-Afríku, umlukin fjöllum og vínekrum. Fyrsta stopp dagsins verður í sögufræga bænum Stellenbosch, þar sem við förum í stutta gönguferð um miðbæinn og skoðum fallega enduruppgerðar byggingar í Cape Dutch-stíl.

Að því loknu heimsækjum við hinar fallegu sveitir Franschhoek. Við lítum inn í minningarmiðstöð Húgenotta sem voru franskir mótmælendur sem flúðu trúarofsóknir í Frakklandi og áttu stóran þátt í að móta samfélag og vínmenningu í Suður-Afríku, einkum í Franschhoek.

Við heimsækjum síðan vínekrusvæði, þar sem við lærum um vínframleiðsluferlið og fáum að smakka úrval vína og bragða á dýrindis ostum, allt saman í stórbrotnu umhverfi með fjöllin í Franschhoek sem bakgrunn.

Morgunverður innifalinn.

Í dag er skoðunarferð um Höfðaborg. Fyrsta stopp dagsins er eitt þekktasta kennileiti borgarinnar, Table Mountain eða Taffafjall. Við förum upp með kláfi og njótum stórkostlegs útsýnis yfir allan skagann, lengra en augað eygir.

Að því loknu heimsækjum við helstu byggingar og svæði miðborgarinnar, þar á meðal þinghús Suður-Afríku og Company’s Gardens, sögufrægan almenningsgarð.

Malay Quarter / Bo-Kaap er líflegt og sögufrægt hverfi í miðri Höfðaborg sem gefur innsýn í sögu þrælahalds, trúfrelsis og fjölbreyttrar menningararfleifðar í Suður-Afríku og hefur sterka tengingu við múslimska og malaýska samfélagið. Þar lítum við inn og borðum saman hádegisverð sem er innifalinn. Kvöldið frjálst.

Stórbrotinn dagur framundan í rútuferð sem liggur í gegnum Seapoint og Camps Bay, eftir Victoria Road, þar sem við njótum útsýnis yfir tignarlega Tólf postula fjallgarðinn. Við fylgjum þessari stórkostlegu strandleið áfram að hinu víðfræga Chapman's Peak Drive, sem liðast meðfram björtum klettum og hafinu. 

Við endum förina við Cape Point, þar sem Atlantshaf og Indlandshaf mætast. Þar rísa stórbrotnar klettabrúnir yfir úfnu hafi og útsýnið frá vitanum ofan á hásléttunni er engu líkt. Cape Point er ekki aðeins jarðfræðilegt undur, heldur einnig táknrænn staður sem markar suðurenda meginlandsins – kraftmikill og kyrrlátur í senn. Home - Cape Point

Á heimleiðinni stoppum við í heillandi sjávarbænum Simon’s Town og Boulders Beach, þar sem heimkynni afrísku mörgæsarinnar eru. Þar sjáum við þær í sínu náttúrulega umhverfi meðal gróðurs og granítkletta.

Visit Boulders Beach Penguins, Cape Town | South Africa Tourism (GL)

Eftir það njótum við útsýnisins meðfram suðurströndinni og keyrum í  gegnum Kalk Bay, sem er sjarmerandi sjávarþorp. Áfram um Muizenberg, sem er þekkt fyrir breiðar sandstrendur og litríkar baðhúsaklefa.

Við ljúkum þessari einstöku og fjölbreyttu ferð okkar um Suður-Afríku með ógleymanlegri matarupplifun sem innifalin er í ferðinni. Á veitingastaðnum GOLD fáum við að njóta tónlistar og fjölbreyttra rétta hvaðanæva úr Afríku í lifandi umhverfi – og jafnvel læra að tromma á afrísk hljóðfæri, líkt og innfæddir! Home - GOLD Restaurant

Frjáls dagur um morguninn og útskráning af hótelinu. Rútan kemur að sækja okkur kl. 13:30. Flugið frá Höfðaborg til Istanbúl er með Turkish airlines kl. 17:15 (TK045). 

Við lendum í Istanbúl kl. 05:35 að staðartíma. Þar er nokkurra tíma bið á flugvellinum en svo haldið áfram í beinu flugi með Icelandair til Keflavíkur kl. 12:25 og lent á Íslandi kl. 15:20 (FI901)