Náttúra og menning við miðbaug
Fiðrildaferðir kynna ævintýri í Ekvador
Uppgötvaðu stórbrotin Andesfjöll, frumskóga Amazon og ævintýralegt dýralíf Galapagos
Komdu með í einstaka ferð þar sem náttúra, menning og saga Ekvador fléttast saman. Í Í ferðinni upplifum við stórbrotna fegurð Andesfjalla, líflegan menningararf Quito, dularfulla frumskóga Amazon og ótrúlegt dýralíf Galapagos-eyja.
Ferðin hefst í Quito, lifandi hjarta Andesfjalla, þar sem við göngum um sögulegan miðbæ sem er á heimsminjaskrá UNESCO. Þar finnum við litrík markaðstorg, barokkarkitektúr sem sameinar spænsk og innfædd áhrif, og heimsækjum miðbaugslínuna þar sem hægt er að standa með annan fótinn á hvoru hveli jarðar.
Næst liggur leiðin í Cotopaxi þjóðgarðinn, heimili eins glæsilegasta eldfjalls heims. Við göngum um við rætur Cotopaxi (5.897 m) þar sem jökullinn glitrar á toppnum, njótum útsýnis við Laguna de Limpiopungo og sjáum fjölbreytt fuglalíf og villt dýr í hinu stórbrotna landslagi.
Í Riobamba förum við inn í sögu landsins. Borgin liggur við rætur Chimborazo, hæsta fjalls Ekvador, og er þekkt fyrir handverksmarkaði og menningu.
Við tökum síðan þátt í fornum siðum í Andesfjöllum og upplifum Hay Raymi hátíðina, sem tileinkuð er Pachamama og Inti. Hér er þakklæti fært fyrir uppskeru með fórnum, dansi og tónlist, og við deilum hefðbundinni máltíð sem elduð er með heitum eldfjallasteinum – andleg og menningarleg upplifun sem tengir okkur náttúrunni.
Í bænum Baños de Agua Santa njótum við náttúrufegurðar, heitra lauga og stórbrotinna fossa. Við förum Leið fossanna, með viðkomu við Pailón del Diablo, og höfum tækifæri til að sveiflast í hinni frægu róló við brún heimsins í Casa del Árbol, með stórkostlegt útsýni yfir Tungurahua-eldfjallið.
Ferðin heldur áfram í Amazon frumskóginn, þar sem við göngum um gróskumikinn frumskóg og siglum á flekum niður ána. Við heimsækjum AmaZoonico, dýrahjálparstöð sem sinnir björgun og verndun dýra, og fáum að taka þátt í kakósýnikennslu og súkkulaðigerð. Hópurinn getur einnig fræðst um lækningajurtir og séð hefðbundna leirlist Amazon-búa.
Síðasti áfanginn er Galapagos-eyjar, þar sem einstakt og einangrað dýralíf tekur á móti okkur. Við heimsækjum risaskjaldbökur, snorklum á Santa Fe-eyju með sæljónum, skötum og litríkum fiski, og njótum friðsældar Playa Escondida – ósnortins náttúruverndarsvæðis þar sem skjaldbökur verpa og regnskógardýr og fuglar búa. Að lokum upplifum við rólegan dag við Tortuga-flóa, sem er ein fegursta strönd Galapagos, áður en við kveðjum þessa ógleymanlegu ferð.
Athugið:
Flug er ekki innifalið í verði en aðstoð við bókun flugmiða er innifalin.