Einstök upplifun á Kosta Ríka !

Flogið frá Keflavík til Frankfurt - Koma til San Jose kl.17.35 

Innritun á 3 stjörnu hótelið Hotel Balmoral í San José https://www.balmoral.co.cr/ en hótelið er vottað sem 4 laufa vottun í sjálfbærri ferðaþjónustu.

Eftir góðan morgunverð höldum við í skoðunarferð um borgina. Við skoðum miðbæinn,  förum á  Lýðræðis- og menningartorgið (Democracy and Culture) Þjóðminjasafnið, Los Yoses, skoðum Hispanidad gosbrunnurinn og Rodrigo Facio háskólasvæðið í Háskóla Kosta Ríka.  Hér leggjum við grunninn að ferðinni með fræðslu um menningu og lífið í landinu. 

Við heimsækjum í Háskóla Kosta Ríka og tökum þátt í  tónlistarsmiðju með Manuel Monestel. 

Kvöldverður með Ricardo Valverde, leiðsögumanni okkar í ferðinni. 

Morgunverður og kvöldverður innifalinn

Eftir morgunmat  og tékk út af hóteli, höldum við í átt að Karabíska hafinu gegnum Sarapiquí. Við heimsækjum Coope Sarapiquí kaffibýlið þar sem við spjöllum við meðlimi Coope Sarapiquí sem  eru samtök 54 kaffi framleiðenda í Kosta Ríka.  Áhersla er lögð á sanngjarna viðskiptahætti (fair trade) og sjá samtökin um markaðssetningu og sölu afurða félaga sinna.  Og auðvitað smökkum við  kaffið hjá þeim.

Seinni hluta dags er ferðinni heitið til La Pavona og í þjóðgarðinn Tortuguero.  Eins og nafnið ber til kynna (tortuga þýðir skjaldbaka á spænsku) er á svæðinu heimkynni svartra skjaldbaka sem koma á svæðið frá febrúar til apríl til að verpa eggjum.  Hér er  sérstæð og falleg náttúra, þröng síki, strönd og skóg.
Þessi staður er einstakur, ekki í alfaraleið og þar eru engar götur, aðeins þröng stræti, strandlína og regnskógur. Við þurfum bát til að komast á gististaðinn sem gerir upplifunina enn einstakari.  
Við innritum okkur inn á La Casona de Tortuguero Lodge en hótelið er hreinlegt og rúmgott og er staðsett nálægt ströndinni. Við slökum á og skoðum þorpið og umhverfið. 
https://www.costaricarootstours.com/en/lacasona 

Morgunverður, hádegisverður og kvöldverður innifalinn.

Við hefjum daginn með  leiðsögn í róðrarbát um síki Tortuguero til að skoða fjölbreytileika dýralífsins. Morgnar eru frábærir til fuglaskoðunar og mátulegt hitastig.  Í hádeginu fáum við frjálsan tíma, getum sest á kaffihús eða skoðað þorpin í nágrenninu. 
Síðdegis heimsækjum við félag sem hefur það markmið að vernda skjaldbökurnar, en algengt er að eggjum þeirra sé stolið og sumar tegundir eru í útrýmingarhættu.   

Morgunverður og kvöldverður innifalinn.

Við tékkum út af hóteli og höldum til Puerto Limón.

Að því loknu höldum við á hótelið okkar í Cahuita þar sem við dveljum í þrjár nætur, en þorpið er í Límon héraðinu sem er þekkt fyrir sérstæða afrísk-karabíska menningu en orðið Afrodesciente þýðir afkomandi frá Afríku. Hugtakið vísar til einstaklinga sem eiga rætur að rekja til Afríku og búa í Ameríku eða öðrum svæðum þar sem afrísk menning hefur myndast í kjölfar þrælahalds.
Í Talamanca er heimkynni tveggja stærstu frumbyggjahópa Kosta Ríka, Bribri og Cabecar, auk þess sem þar er að finna eina ríkustu líffræðilega fjölbreytni landsins. Við fáum einmitt innsýn inn í líf og störf Bribri fólksins seinna í ferðinni.

Þennan dag hittum við Lauru Wilson, sem miðlar til okkar menningu, sögu og samfélag þessara afrískra afkomenda í Kosta Ríka. Hún mun einnig ræða réttindi kvenna á svæðinu og áskoranir sem loftslagsbreytingar hafa í för með sér fyrir samfélagið.  Hún mun einnig ræða um réttindi kvenna á svæðinu og áskoranir í tengslum við loftslagsbreytingar.

Morgunverður, hádegisverður og kvöldverður innifalinn.

Gist á https://selvabananito.com/ eða 
https://elencantocahuita.com/ 

Cahuita er þorp við Karabíska hafið nálægt landamærum Panama. Þaðan er hægt að fara inn í þjóðgarðinn Cahuita National Park, þar sem hægt er að skoða kóral rif og njóta hvítra stranda. Regnskógur er í garðinum þar sem má finna margvíslegt dýralíf,  svo sem fugla, letidýr,  apa og skjaldbökur.

Svarta ströndin er norður af þorpinu, og þar getur verið mikil ölduhæð og sterkir straumar,  ekkert ósvipað og á Íslandi.    
Eftir morgunmat á hótelinu hittum við Ricardo Valverde sem segir okkur frá svæðinu og lífræðilegum fjölbreytileika þess. 

Morgunverður, hádegisverður og kvöldverður innifalinn.

Í dag er frjáls dagur, hægt er að njóta strandlífsins, snorkla og skoða kóralrif með margbreytilegu dýralífi. Þar má nefna fjölda tegunda af fiskum, kóralrif, sæbjúgu, humar og skjaldbökur.

Göngustígar eru meðfram ströndinni þar sem má sjá: apa, letidýr, túkana, og margskonar fuglategundir.   

Morgunverður innifalinn.

Eftir morgunverð heimsækjum við letidýragarð til að læra um þessi einstöku dýr. Hér fáum við einnig tækifæri til að snorkla við strönd Puerto Vargas í þjóðgarðinum.

Seinnipart dags förum við til Puerto Viejo í súkkulaðigerðarnámskeið.

Morgunverður, hádegisverður og kvöldverður innifalinn.

Eftir morgunverð skráum við okkur út af hótelinu og höldum til Manzanillo, þar sem við munum hitta Duero Mayorga, leiðtoga Proyecto Ara Manzanillo verkefnisins sem snýst um verndun Ara fuglsins.   Ara er stór og litrík tegund páfagauka sem tilheyrir regnskógum Mið- og Suður-Ameríku. Þeir eru þekktir fyrir skæra og fjölbreytta lit og eru taldir mjög greindir.   

Eftir hádegismat förum við í gönguferð um Cahuita-Puerto Vargas þjóðgarðinn og borðum á Casa Calateas.

Morgunverður, hádegisverður og kvöldverður innifalinn.

Eftir morgunverð tékkum við út af hóteli og höldum til Yorkin þar sem við munum fræðast um frumbyggjaþjóðirnar sem búa þar. 

Við dveljum á Ditsowou, gistiheimili í eigum Bribri-fólksins, sjá hér https://www.ditsowou.com/en/bribri 

Í Kosta Ríka halda þjóðflokkarnir Cabécar, Bribri, Ngäbe, Térraba, Boruca, Huetar, Maleku og Chorotega enn á lofti ríkulegum menningararfi sínum.  

Í dag eru yfir 100.000 frumbyggjar í landinu, sem samsvarar um 2% af íbúafjöldanum. Sex frumbyggjamál eru töluð á 24 svæðum, aðallega í dreifbýli. Þrátt fyrir mikla fækkun í kjölfar landnáms Evrópubúa á 16. öld halda þessi samfélög áfram baráttu sinni fyrir sjálfsforræði og varðveislu menningar sinnar.

Morgunverður, hádegisverður og kvöldverður innifalinn.

Eftir morgunverð förum við til Watsi þorpsns þar sem við hittum indíánaforingjann Timoteo Jackson. Við lærum um heimsmynd og náttúruleg gildi Bribri þjóðarinnar og fáum einstaka innsýn inn í menningu frumbyggjanna og borðum hádegismat heima hjá Timoteo.

Morgunverður, hádegisverður og kvöldverður innifalinn.

Morguninn frjáls! 

Eftir hádegismat  heimsækjum við Stibrawpa kvennasamtökin til að læra um hlutverk kvenna og stúlkna í samfélaginu. Hjá BriBri fólkinu ríkir  mæðraveldi þar sem konur leika lykilhlutverk og ráða ríkjum.  Hér má finna fallegt handverk, hvort sem það er vefnaður, leir eða körfugerð og er tækifæri til að styrkja heimafólk með því að kaupa af þeim handverk.

Morgunverður, hádegisverður og kvöldverður innifalinn.

Eftir morgunverð kveðjum við Yorkin gestgjafana og höldum til Monte Verde skýjaskógarins. (Monte Verde Cloud forest)  
Nafnið dregur heiti sitt af því að skóglendið er í sífellu umlukið skýjum sem verða til vegna mikils raka og uppgufunar vatns. 

Eftir hádegismat förum við í göngu í skóginum, þar sem við hittum vísindamann frá Tropical Science Center og lærum um líffræðilega fjölbreytni og verndarsvæði.
Innritun á gistiheimili 

Morgunverður og hádegisverður innifalinn.

Nú liggur leiðin aftur til San José, þar sem við eyðum síðasta deginum.

Um kvöldið verður kveðjumáltíð í Tico stíl þar sem baunir og hrísgrjón eru í aðalhlutverki, enda uppistaðan í fæðunni á Kosta ríka.   

Morgunverður og kvöldverður innifalinn.